张致恒首谈Boy'z合体：愿全面配合Kenny 随七师傅探长者送暖传递正能量丨独家 | 星岛头条
张致恒（Steven）与太太雯雯结婚6年育有4子，长期财困要賖借度日，直至近三个月转行做电器搬运工，为养家捱到五劳七伤，不过决心“洗心革面”的他积极面对人生，日前更随七师傅（七仙羽）一齐探访老人院。对于昔日Boy'z队友关智斌（Kenny）明晚及后晚开个唱，并召唤他合体，Steven首开腔回应，坦言未准备好，但“欠Kenny太多”，愿意全面配合，同时感激七师傅在低谷时的无私支援。 文：娱乐组 图：林宾尼
被认定懒虫 死性不改
对于《东周刊》早前独家直击Steven在黑色暴雨警告下仍冒雨开工送电器，淋湿身独力搬重型雪柜上唐楼。Steven展示手脚伤痕，坦言3个月搬运工作捱到病，但总算练到一身肌肉。对于被网民封为“励志人物”，他笑言：“呢个係我畀自己嘅希望，但冇人知下一步会点样，只能做好自己，希望自己唔好咁早死，留返条命嚟照顾小朋友！”不过Steven相信好多人眼中的他仍然是死性不改“大懒虫”：“佢哋对我有苛求，觉得我工作唔够24小时就係懒惰。哈！坦白讲我都係人，都会攰，所以唔算尽晒全力，但都做啦做啦，唔理得咁多喇。”七师傅就表示体力劳动可以帮他修心养性。问到是否修心养性变乖？Steven笑着强调：“我一直都好乖㗎！𠵱家我除咗开工、就係返屋企帮手凑仔！”并直认已过年少轻狂阶段：“我都41岁啦，𠵱家虽然好攰，虽然人生有多啲经历，但好满足感觉自己仲生存喺世界上，可以负返啲责任，既充实又舒服。前路就算崎岖少少，至少都冇咁闷，好似打机咁，有攻略又有乜好玩？”
兄弟情在心 互不打扰
至于Kenny明晚开个唱，并提到Boy'z合体可能性，Steven首次回应：“我都一直等紧希望有机会再合体㗎！只差一个缘份，希望有机会时大家唔好嫌弃我唱歌走音！不过，我觉得有啲嘢过去咗就过去咗，大家要搵返当年嗰个状态係冇可能嘅，睇下大家能唔能接受新状态啦。”Steven又强调两兄弟冇芥蒂，兄弟情在心中，自爆：“6年前出事后，佢单飞开骚时有邀请我留喺后台免被嘘！”
感谢七师傅 用爱包容
Steven坚称Boy'z係集体回忆，永不磨灭，更保证：“只要想就会出现，在乎大家想唔想佢出现。”若能合体，佢坦言第一时间要多谢七师傅：“喺我人生低谷时，佢好似家姐咁支持我，叫我‘唔好放弃’，仲好用心照顾我啲仔，用爱包容我。如果冇佢，条路更加难行，佢直情係我心灵氧气不停畀我吸呀！”七师傅则叫Steven不要客气，除和她夫婿同是“荷兰人”外（混血），两人同病相怜被攻击：“我明白被闹感受，其实每个人都有缺点，唔好将人置诸死地。讲真边个艺人冇媾过女呀？后生靓仔自然有飞来蜢，既然冇人完美，就要学识原谅。”最近Steven被同事传染感冒，食完成药照样开工。他更透露四名子女不幸染上手口足病，小朋友口生水泡，痛到食唔到嘢，“大仔两日冇食嘢，连粥都唔肯吞，唯有多啲灌葡萄糖水，我几晚冇得瞓。”
