【On.cc】RubberBand開騷為災民打氣：好希望送到一份溫暖樂隊RubberBand（RB）日前舉行「同在音樂會」，日前於西九文化區安盛竹翠公園舉行，全場6千座位爆滿，以一曲《回家》為音樂會打響頭炮，RB表示：「喺呢度見到大家係因為香港發生咗好唔開心嘅事。我哋一直都想做啲嘢，咁所以寫呢首歌《回家》，我哋喺呢個城市好微不足道、好微小嘅，但係我覺得每一個人只要喺佢自己個崗位發揮最大，正所謂有錢出錢，有力出力。就將我哋嘅愛送出最大嘅能量，送去每一個人嗰度。」RubberBand唱出20幾首歌，由於氣溫下降，主音6號呼籲觀眾企起暖身，6號唱到跌暖包：「有咁多朋友喺度，都暖晒喇，唔需要暖包。又落雨又凍，今晚都凍但好天氣，做善事個天係睇到！」整晚觀眾都好投入，6號話感覺到能量交換，及後全場觀眾大合唱《阿波羅》，期間更講到眼濕濕：「今次呢個騷好多人幫手，為呢次音樂會推咗啲工作過嚟幫手！我哋只係識做音樂，咁多年嚟我哋啲歌都係關於呢個城市嘅故事，裏面有好多愛。今日我係要多謝大家，喺處於困難當中大家來到呢個公園，因為做呢個騷係好唔容易、經歷咗好多。因為要用呢個速度做好一件事，係需要好多有心人。除咗我哋幾個，其實台前幕後佢哋都係一樣，都因為個騷將工作改期，好希望可以送到一份溫暖。」RubberBand舉行音樂會。為災民打氣。送上溫暖。出心出力。好有愛。
