視后龔嘉欣相隔兩年終拍劇 為新角色剪長髮.視后龔嘉欣（Katy）相隔兩年未有拍劇，最近終於迎來好消息，即將入組拍攝新劇。為咗新角色嘅需要，Katy日前狠心將留咗多年嘅長髮剪短，昨日（9日）佢喺社交網上載全新造型嘅靚相，向粉絲展示「The new me」。Katy喺帖文中寫道：「留了很多年的長髮，毫不猶豫，瀟灑一剪，新角色，新生命，熱誠從未減退，為我加油吧！」
相中所見，短髮造型嘅Katy清爽俐落，五官更顯突出，女人味之餘仲多咗一份英氣。粉絲紛紛留言大讚新造型好靚，又話好期待佢嘅新劇。相隔兩年終於有劇拍，Katy明顯心情興奮，對新角色充滿期待。TVB
