38歲西班牙進攻球員柏度洛迪古斯確認今季完結之後將會約滿離隊，結束喺拉素五個球季

38歲西班牙進攻球員柏度洛迪古斯確認今季完結之後將會約滿離隊，結束喺拉素五個球季嘅歷程。

柏度表示要告別呢段美好嘅旅程，告別呢個偉大嘅拉素大家庭，對佢嚟講係非常傷感。佢要感謝所有球迷、球員、教練以及整間球會，包括員工同合作夥伴，感謝咁多人令佢成為呢間球會輝煌歷史嘅一部份。

對比薩嘅比賽將會係佢著上呢件波衫嘅最後一場賽事，佢期待喺球場上見到大家，希望能到場支持佢，但同時亦都明白，對每個人嚟講今年係困難同複雜嘅一年，佢會尊重大家嘅決定。