【On.cc】教科書級寵妻︱馬國明金句閃盲全場　譚俊彥靠老婆畀零用錢

由曹永廉、蕭正楠（阿蕭）、吳若希、車婉婉任主持兼「婚姻求生教練」的無綫綜藝《夫妻肺片》，今晚（3日）請得新一組「星級戰友」嘉賓，男子組有「住家型人夫」譚俊彥（阿譚）、「冇腦型人夫」馬國明；女子組則是「放養型人妻」梁諾妍、「遷就型人妻」連詩雅及「管家型人妻」陳敏之。

眾人圍繞「最常講的情話」與「婚後理財」兩大主題展開熱烈討論，驚揭兩位視帝級人夫的驚人寵妻行為。焦點則落在出名怕醜及天然呆的馬國明身上，雖然他的情話只有「掛住」兩個字，但以「招牌靦覥」樣說出分外「肉麻」，閃盲全場引爆起哄！另一特別位是梁諾妍即場打長途電話給當時身在巴黎的洪永城（Tony），Tony雖然把聲明顯未瞓醒，但仍配合老婆大玩「日常情話」競猜遊戲，搞笑之餘亦盡顯寵妻一面。

今集「夫妻互片」環節探討財政大權話題，而兩位視帝阿譚及馬國明的寵妻程度，絕對可以列入教科書級別！馬國明強調自己婚前婚後均「冇乜點使錢」，阿蕭聞言即爆料指他認識老婆前，無論工作或踢波都只孭同一個黑色單邊袋，阿蕭：「 突然間有一日，佢換咗袋喎，跟住我就同老婆（黃翠如）講『馬國明一定拍緊拖，呢個袋一定係女朋友送畀佢嘅』。 後尾真係畀我知佢拍緊拖。所以佢真係唔使錢喺自己身上架。」

阿譚亦加入「爆料戰團」，指曾親眼目睹馬國明在名店內用 FaceTime幫湯洛雯「代購」，阿譚邊爆料邊模仿馬國明當時寵妻語氣：「BB你要唔要呢個呀？BB你鍾意我買畀你吖！」被爆料爆到極尷的馬國明，即大拋被現場女士捧為天花板的「人夫語錄」反擊：「 老公間唔中送個袋畀老婆，我又覺得好平常。」令全場女士開心到嘩嘩聲，曹永廉即忍不住代天下男人發聲：「你玩皺人哋啲老公呀！」過程爆笑。

另一位「寵妻經典」阿譚自揭將所有人工上繳老婆，自稱只得一張附屬卡之餘，並自爆每月使費來自老婆配給的一萬多港元家用：「 不過我到依家都未見過張（附屬）卡，亦都唔知個密碼。我老婆個個月畀零用錢我，我得一張八達通。」陳敏之聞言好奇問：「如果你喺街見到對鞋好鍾意，你點買呀？」阿譚的答案令吳若希反問他平時如何生活，曹永廉則說：「同佢傾偈，我想喊呀！」至於女子組則全員強調Shopping用私己錢，並非常支持老公的嗜好。陳敏之自揭為了陪老公和兒子，專誠逼自己陪二人打機，可惜卻慘遭埋怨，一度委屈到想喊。

兩大視帝點寵妻？

「放養型人妻」梁諾妍、「遷就型人妻」連詩雅及「管家型人妻」陳敏之各具特色。

馬國明又天然呆喇！

譚俊彥勁錫老婆。

連詩雅有料爆？

一講老婆就咁嘅樣。

kennethma马国明