【On.cc】宣萱首度挑戰動作片　全靠古天樂從旁指導

劇集《尋秦記》的「黃金組合」古天樂、宣萱與林峯「世紀合體」，3人應邀拍廣告。古天樂與宣變化身「Mr. & Mrs.」決戰廚房，片中只見兩人各自下廚，言談間不斷試探對方的真實身份是否殺手，眼神由猜疑秒變殺氣騰騰，隨即展開一場攻防戰，首次拍動作片的宣萱，從後箍實古天樂時出手快狠準，不讓經驗老到的古天樂專美，正當二人爭持不下之際，林峯突然破門而入，「Mr. & Mrs.」馬上合體攜手對抗敵人，默契十足！古天樂更以《九龍城寨》中的「龍捲風」招牌甫士對抗「陳洛軍」Look的林峯，實行將兩套超高票房的電影《尋秦記》與《九龍城寨》聯乘。

宣萱和古天樂廚房打餐勁。

首度挑戰動作片的宣萱，最感激「黃金拍檔」古天樂循循善誘：「大家都知道我經常飾演人質，好少主動打人，所以從未拍過咁激烈嘅動作場口，起初擔心自己手腳唔協調，唔能夠將連串動作做到流暢自然，好在古仔經驗十足，事前細心咁同我套招，又叫我唔使擔心整傷佢，即管放膽去打，先可以將我拍到好似武林高手咁，話唔定下次我可以演女殺手或者女綁匪，哈哈！」古天樂則一貫幽默地說：「大家經常見到宣萱喺活動或訪問時『偷襲』我，所以佢當然有天分，可謂一點就明，拍攝嘅時候都感受到佢眼神裏面嘅殺氣，加上驚人手勁，相信佢有趁機會『公報私仇』，哈哈！」

仲有林峯加入。

古天樂與宣萱貴為影帝與視后，就算從影多年也無損二人對演技的追求，當古生問到宣萱想挑戰甚麼角色時？宣萱說：「身為演員當然要多元化發展，一來觀眾嘅口味不斷改變，二來世界亦係每日變化萬千，如果我哋故步自封嘅話，點樣把握時機。」其後古天樂打蛇隨棍上提議她演歌舞劇，宣萱即笑問是否對方的招牌歌《今期流行》，更鬼馬地重演經典「拜神舞」姿勢，成功令古生反白眼，笑爆全場！

原來係拍緊廣告。

作為香港電影的重要領軍人物，古老闆提議善用新科技去拍攝科幻片，林峯即拍手叫好，事關AI科技已漸趨成熟，更希望到外地取經，活化香港電影，古天樂即語重心長說：「現今科技日新月異，但人性智慧同樣重要，如果可以將兩者合二為一就最好！不如去勻全世界取經啦！

3人向來勁有默契。