木棉花的花语木棉花嘅花语係咩啊？完全唔知窝……剩係知道佢晒干，可以煲汤煲粥煲凉茶旧阵时啲细路哥边有而家咁多高科技嘢玩，多数都係同啲同学仔係啲街巷度走走笛笛，或者买票入公园玩。以前海珠桥脚两边嘅海珠广场仲有好大好大嘅草坪，种咗好多好大棵嘅木棉树。唔使钱，一放假男女老幼都去海珠广场返，玩游戏嘅玩游戏，打牌嘅打牌，捉棋嘅捉棋。我就係个度学识踩单车，仲记得自己扮係郊野小路野游哈哈哈哈哈哈～然后呢，一到春末夏初，木棉花开，啲人就宝住係树下面，等啲花跌落嚟，一见到落，啲细蚊仔就一支箭咁飙过去争餐饱执到盆满钵满啦，挪翻屋企，大人洗干净猛日头晒到干晒之后，就装好佢。广州人咪好钟意乜都讲“你湿热啊”“湿毒肯定係湿毒”咩，木棉花干挪嚟煲祛湿汤、祛湿茶就最好噶啦，婆婆个阵仲会落好多豆嚟煲祛湿粥添。木棉花係广州市英雄市花嚟噶