差唔多係泰利文斯（Youri Tielemans）一個自編自導自演，上演反勝嘅好戲，頂入追和嘅入波，搏到十二碼，再親自射入，呢個入波亦係世界盃歷史上時間最遲嘅入波，最重要係同一度有爭拗嘅托沙（Leandro Trossard）冰釋前嫌，炮製2-2追和嘅入球。比利時某啲換人舉動令人有啲摸不著頭腦，包括收起廸古柏（Maxim De Cuyper）同杜古（Jeremy Doku），但最後又奇蹟地順利過關。佢哋六次喺世界盃決賽週進入加時階段，但只有一次需要互射十二碼。對上一次喺世界盃淘汰賽，落後兩球反勝係2018年3-2贏日本。盧卡古取得第七個決賽週入波，繼續係比利時史上嘅世界盃射手。

塞內加爾今場比賽有60分鐘領前， 60分鐘打和，就只有幾分鐘落後。伊斯美拿沙亞（Ismaila Sarr）連續三場決賽週比賽入波，係歷史上第二個非洲人做到呢個成績，今場嘅入波亦都好精彩，球隊出局就好可惜。

世界盃1/16淘汰賽賽事賽果-南非🇿🇦0-1🇨🇦加拿大巴西🇧🇷2-1🇯🇵日本德國🇩🇪1-1（pen：3-4）🇵🇾巴拉圭荷蘭🇳🇱1-1（pen：2-3）🇲🇦摩洛哥科特迪瓦🇨🇮1-2🇳🇴挪威法國🇫🇷3-0🇸🇪瑞典墨西哥🇲🇽2-0🇪🇨厄瓜多爾英格蘭🏴󠁧󠁢󠁥󠁮󠁧󠁿2-1🇨🇩民主剛果比利時🇧🇪2-2（e.t. ：1-0）🇸🇳塞內加爾

世界杯FIFA World Cup 2026 🇺🇸🇨🇦🇲🇽1/16淘汰賽比利时球迷俱乐部塞内加尔球迷俱乐部