於新一期《東周刊》獨家爆料，TVB助理總經理樂易玲（樂小姐）去年生日派對上，遭自己寵幸多年的愛將男藝人偷禮物，群星見證CCTV曝光前TVB男星「貪心男」偷走周吉佩送贈Labubu花束，當時樂易玲決定不報警，以低調處理。據指，該名40多歲已離巢轉戰內地市場的男藝人向圈內人解釋，因當時壓力大及以為樂易玲不會察覺遺失了一份禮物才作出此行為，並感到後悔。

報導出街後，即時成為城中熱話，唔少三姑六婆都打電話嚟揾東姑，問東姑邊個係「貪心男」之外，都有朋友問東姑，究竟紥花幾多錢，可以有咁大引誘，連樂小姐嘅嘢都咁出手 ? 就朋友呢個題問，東姑就向開花店的朋友請教，花店朋友就話吉吉送畀樂小姐的第三代「Labubu花束」在去年最搶手最難求之時，大約$4000一紥左右，但以現在嚟講，就$2000一紥都有交易。其實禮物貴重，對樂小姐而言相信從來不是重點，重點係吉吉對佢嘅心意，心頭好不翼而飛，點會唔嬲吖！