【On.cc】羅子溢變身「補課老師」帶子女加操泳術　甘願當人肉潛艇

藝人羅子溢入行前曾是救生員一名，精通泳術的他近日於社交平台上載帶同一雙子女往游池耍樂的短片，只見子溢教小朋友游水之餘，自己亦「深潛」讓他們騎上父背嬉戲，親子樂愉快兼充滿笑聲。子溢受訪時說：「同佢哋去游水係我太太畀我嘅任務嚟㗎，希望佢哋快啲學識啦。」

雖然自己泳術精湛，但原來子溢有為小朋友聘請教練：「因為爸爸教嘅話，小朋友有機會冇咁聽話，服從性冇咁強，所以我只係一名補課老師。同佢哋一玩一路教，希望進度快啲，我個女小學一定要識游水，依家惟有狠心啲幫佢哋加操。」原來入行後子溢已很小有機會游水：「所以同時間為我嚟講都係好事，可以練番吓水，同埋如果小朋友懂水性，我哋以後去旅行可以多啲選擇，起碼可以去陽光與海灘，享受一個亞熱帶旅程。」

子溢一家四口好幸福。

子溢做過救生員。

子溢加操子女學游水。

辛苦了爸爸。

做埋人肉潛艇。