【On.cc】洪永城一家四口飛日本　「Sir Face」終於似媽咪

藝人洪永城與太太梁諾妍近日趁暑假開始，帶着兩名女兒出發前往日本旅行，昨日梁諾妍於社交平台上載大批「開心照」，包括一家大細到訪動物園及水族館，及光顧小豬餐廳，想必行程相當愉快。兩人大女洪靖嵐（Amber）小時候與爸爸長得一模一樣，被冠以「Sir Face」暱稱，目前已女大十八變開始有媽媽的影子，於日本期間先後以動物管理員及育嬰侍造型玩角色扮演外，更穿上粉紅花裙充當小模特兒登場，十分可愛。梁諾妍細心為兩名女兒準備了「姐妹裝」，所到之相處恍如孖公仔般，Amber經常擁着妹妹，畫面溫馨。

洪永城與太太梁諾妍及兩個女一齊去日本玩。

兩公婆又可以煙韌。

囡囡又可以着靚衫。

梁諾妍寫道﹕「阿媽癲咗瘋狂大掃貨，買咗成喼嘅衫畀佢哋。去咗豬仔Cafe超得意，2位好鍾意小動物嘅女仔，Sirface去咗體驗唔同嘅職業，一個小朋友去照顧小朋友，好cute，Sirface都好細心咁照顧個bb㗎，仲做埋fashion model，有少少嘅插曲，其實一開始佢係好唔開心嘅，因為佢唔太鍾意呢條裙，最後阿媽我畀最高嘅情緒價值滿滿佢，去到最後開心地完成呢個catwalk。」雖然整個旅程都以小朋友的喜好為主，但洪永城夫婦望着小朋友開懷大笑，已滿足不已。不少網民留言查詢行程及地點，而洪永城則秒速回太太道﹕「老婆你真係又有愛心又新潮，咁快玩新嘅（平台）function。」公然放閃。

「Sir Face」依家開始似媽咪，可能遲啲變「Mom Face」。

三母女好溫馨。

梁諾妍湊女有一手。

一家四口最Sweet。

洪永城