【On.cc】陳曉華與郭晉安忘年戀刻骨銘心 心痛爆喊：真實嘅回憶
郭晉安（安仔）與陳曉華（Hera）主演的無綫新劇《金式森林》快將播出，兩人在劇中共譜忘年戀，為了令這段忘年戀更有說服力及更具懸念，監製林志華開劇前專誠下令郭晉安與Hera，在劇中不能有任何親密接觸、並嚴禁二人有接吻場面，故即使拍攝結婚場口，二人都只是蜻蜓點水式錫面珠。
林志華續指Hera拍攝《金》劇時一度真的愛上安仔，Hera接受官方訪問時亦笑言「一定好愛」，並感激安仔給予不少抽象式的指導，幫助她投入「林澄」的角色，亦幫助她學會如何抽離角色：「佢教我要將皮肉同靈魂分得開啲，佢教我用我嘅靈魂去創造『林澄』，而呢個靈魂係真心愛上『方仰天』（郭晉安角色名）嘅。今次係我同安哥第一次合作，所以我對佢嘅認知就係方仰天。」
Hera續指由於安仔與她講戲時、會選用她較易投入的抽象角度，令Hera覺得二人一談到拍劇時、有種「世界好似淨係得番我哋兩個」的感覺：「我好鍾意聽安哥講做戲嘅嘢，佢用咗個比較抽象嘅方法去同我講，其他人未必明白，但係我好鍾意聽！所以我哋兩個傾做戲嘢時，會有種成個世界好似淨係得番我哋兩個嘅感覺，我覺得佢畀咗個能力、圈適圈同幻想空間我去創造『林澄』，我好感動，亦都好多謝佢。」談到與安仔在劇中的忘年戀，Hera坦言刻骨銘心，並謂有時看到網絡上的劇集宣傳或精華，都會忍不住喊：「有好多位係好心痛嘅，嗰種心痛嚟得好快，因為方仰天同林澄嘅故事已經刻喺我腦入面。嗰個故事深刻到好似屬於自己咁、變咗一個真實存在嘅回憶。」
陳曉華同郭晉安譜忘年戀。
蜻蜓點水式錫面珠。
陳曉華與郭晉安在劇中不能有任何親密接觸。
陳曉華好投入角色。
陳曉華仲話依定睇番都會覺得好心痛。
陳曉華覺得呢次係變咗一個真實存在嘅回憶。
郭晉安貴為視帝，梗係好戲啦！
陈晓华[超话]
