羅樂林77歲Fit爆零肚腩 停工享清福看淡散聚 與太太分開仍同住分房.現年77歲嘅羅樂林入行超過60年，係演藝圈「活化石」級人物。近年佢喺《愛·回家之開心速遞》飾演嘅「大龍生」形象深入民心，劇集宣布停拍後，羅樂林罕有透露退意，話子女出於關心多次勸佢正式退休享清福，不過佢強調身體冇大礙，行得走得。

日前羅樂林出席米雪演唱會支持好友，身穿格仔恤衫配黑褲，身形Keep得極好，完全唔見大肚腩，精神奕奕，獲網民大讚「77歲仍精神抖擻，寶刀未老」，睇嚟平時日日做運動保養有功。

感情生活方面，羅樂林現實中先後有兩段婚姻，1982年迎娶「影迷公主」陳寶珠妹妹陳寶儀做第二任太太，育有一女羅苡之。雖然二人2011年宣布分開，但原來一直冇離婚，至今仍然同住一個屋簷下，只係分房生活。羅樂林近年逐漸減產，似乎已睇淡人生散聚，享受退休生活。