【娛樂新聞】張曦雯吳卓羲疑戲假情真？新貓「冬菇」成洩蜜鐵證 二人曖昧互動早有跡可循.日前張曦雯喺IG貼出多張貓咪照片，宣布家中有新成員並取名為「冬菇」。有網民發現「冬菇」額上有一撮黑色如瀏海嘅直紋，同吳卓羲今年年初喺珠海拍攝《璀璨之城》期間領養嘅流浪貓幾乎一模一樣，湊巧兩人在劇中飾演夫妻，於是懷疑戲假情真。張曦雯曾直認拍攝時被吳卓羲嘅帥氣「電親」，當被追問在吳卓羲與張智霖兩大男神之間嘅抉擇時，吳卓羲更公然以劇中「老公」身份宣示主權。

張曦雯日前喺IG開心宣布家中迎來新成員：「同大家介紹返我哋屋企嘅新成員冬菇，一隻可以手抱到瞓覺嘅流浪貓。我們是在她大約七個月大的時候遇到她的，真不知道她當初是怎麼在街頭活下來的。謝謝你為我們的生活帶來瞭如此多的歡樂與笑聲。」事有湊巧，今年初，「資深貓奴」吳卓羲喺珠海拍攝《璀璨之城》期間，曾在片場救起一隻流浪小花貓，當時佢單手緊緊抱住貓咪，一邊為探班粉絲簽名，更充滿父愛地低頭問貓咪：「你來簽嗎？」熟練手勢與溫柔舉動喺網上引起極大迴響。眼利網民立刻發現「冬菇」嘅獨特毛色與當初吳卓羲手抱嘅小花貓幾乎一模一樣，於是懷疑「冬菇」係由男方執到、女方收養嘅「定情貓」，瞬間成為兩人緋聞嘅鐵證。

張曦雯和吳卓羲近期先後回復單身，吳卓羲於2024年與菊梓喬分手，張曦雯亦在2025年7月宣布結束八年感情。兩人曖昧互動早有跡可循，在2025年12月《璀璨之城》開鏡拜神儀式上，張曦雯曾表示劇中將為丈夫吳卓羲做盡壞事，親熱戲對象設定為張智霖，結果令吳卓羲即場投訴：「我想加返啲親熱戲！」吳卓羲更笑言最初確有對張曦雯穿高跟鞋有微言，但合作後已接受可以有比自己高嘅老婆。後來張曦雯直認拍攝時被吳卓羲「電親」，被追問在兩大男神之間更喜歡誰時，張曦雯害羞得狂笑唔識答，吳卓羲隨即霸氣搶答：「梗係鍾意老公啦！唔准講Chilam。」呢段緋聞持續發酵，但兩人都未有正式回應。TVB