【On.cc】賴慰玲有小鮮肉「伺候」 主動加親密戲視帝馬德鐘與賴慰玲今日（18日）為無綫劇《非常檢控觀》宣傳，以短褲上陣的賴慰玲與劇中其他女藝人游嘉欣、陳庭欣等齊齊重演賴慰玲在劇中彎腰執文件晒長腿的誘人一幕。賴慰玲笑言想不到「執文件」是其高光位：「之前仲係一孩之母，我對執文件都有自信，但自從成為二孩之母，有啲位仲未收身，需要遮遮掩掩，加上我仲餵緊人奶，個身形會脹啲。」她透露在劇中跟張馳豪（Aska）共譜姐弟戀：「初時我以為同馬德鐘有感情線，點知導演話冇㗎，馬德鐘係同陳煒，我問咁我條感情鮮喺邊，原來有個小鮮肉畀我。」並自爆自己不斷主動增加兩人的親密戲：「我會提議呢個位Aska可以攬吓我，佢又真係照做，我玩得好開心，不過佢就好怕醜，攬得太僵硬，所以條片冇用到。」至於馬德鐘表示與陳煒沒有親密戲，因為有年輕版代勞，反而有不少舌劍唇槍的法庭戲：「我個角色比較柔和，要收起兇狠嘅眼神，今次有好多對白又有好多唔同情緒，好好玩。」賴慰玲同馬德鐘冇感情線。賴慰玲執嘢晒長腿。馬德鐘話同陳煒冇親密戲。位位好戲之人。賴慰玲有小鮮肉伺候。
