【On.cc】陳山聰豁到盡扮女僕 梁烈唯自稱「BadPink」成員由視帝陳山聰、梁烈唯及林盛斌（Bob）主演的馬來西亞賀歲片《媽媽又要嫁》已開始發力宣傳，昨日釋出一條花絮短片，只見3位主角齊齊「易服」，以女僕打扮大跳女團舞。唯唯對着鏡頭介紹自己是「BadPink」成員，Bob更咬唇「晒女人味」，最突出是女裝山聰竟然長有鬍鬚，名副其實的玩到盡，今次為演出豁到盡！馬來西亞賀歲片《媽媽又要嫁》開始發力宣傳。陳山聰、梁烈唯及林盛斌以女僕打扮大跳女團舞。3位為演出豁到盡！山聰受訪笑說：「自己見到都想死，係得阿Bob carry到咋。呢場戲講我哋有好多個造型嘅，女僕只係其中一款，我覺得最靚係唯唯囉。坦白講我哋放到盡嚟演㗎啦，導演都由得我哋自己玩，徹底放低所有包袱，都係想博觀眾一笑啫。」女裝山聰。唯唯自稱是「BadPink」成員。Bob透露戲NG咗好多次。Bob則表示：「呢場戲係講我哋喬裝入去壞人嘅辦公室搗亂，導演諗咗我哋係一間叫『美少女清潔公司』嘅職員。我哋3個一齊做呢咁恐怖嘅打扮，見到對方都忍唔住笑，場戲NG咗好多次。平時多數都係我扮女人，今次連埋佢兩個喎，希望馬來西亞嘅觀眾過年時，一家大細或者同朋友入戲院都睇得開心啦。」
